ललित मोदींची भेट घेतल्याची राकेश मारिया यांची माहिती

ललित मोदी यांच्या वकिलांच्या विनंतीवरून लंडनमध्ये 2014 मध्ये आपण ललित मोदींना भेटलो होतो; तसेच या भेटीची आपण गृहमंत्र्यांना माहिती दिली होती, असेही मारिया यांनी स्पष्ट केले. मारिया आणि ललित मोदींचे एक छायाचित्र आज एका वृत्तवाहिनीवर झळकले होते, त्यानंतर मारिया यांनी वरील खुलासा केला आहे. लंडनमध्ये मुंबई पोलिस कुठलीही मदत करू शकत नाहीत, मोदींनी भारतात परतावे आणि तक्रार दाखल करावी, त्यानंतरच धमक्‍यांप्रकरणी मुंबई पोलिस मदत करू शकतील, असे आपण मोदींना सांगितल्याचे मारिया यांनी म्हटले आहे.